افتح للهوا شبابيكك


Blogger templates


السبت، 11 سبتمبر، 2010

كل سنة وانتوا غاليين + خبر لكل اللى بيحبونى

أولا وقبل أى شئ كل سنة وانتوا طيبين وجوا قلبى منورين نفسى أسلم عليكم واحد واحد وواحدة واحدة لأنكم بجد غاليين عندى أنا غبت وغيابى كان قهرى بسبب النت بقى بيفصل ويجى فى المناسبات نت مناسبات صحيح المهم والأهم إنكوا تكونوا كلكم بخير وفى أحسن حال ويكون مر عليكم العيد بأحلى فرحة وأحلى مشاعر وقبل ما أنسى وطبعا أكيد إن شاء الله مش هنسى بقول ميرسيييي لحبايب قلبى البنوتات القمرات اللى سألوا عنى ربنا ما يحرمنى منهم أبدً توتا و حباية بندول كل سنة وانتوا طيبين يا قمرات و كل سنة وكل اللى عيدوا عليا طيبين وقبل ما أختم وأقول الخير أحب أسيب رسالة لتيما وأقولها كل سنة وانتى طيبة ويوسف طيب ويارب العيد ده يكون أحلى عيد عليكى وعلى الجميع . . .
* * * * * * * * * * * * * * * * * * * * * *


الخبر بقى للى عنده لهفه يعرف أخبارى حقيقى ربنا كان كريم معايا جداً ومازال ورمضان كريم فعلاً مش انتهى إلا بفرحة ليا ولبيتنا الحمد لله من اسبوعين بالضبط اتخطبت الحمد لله لإنسان بجد ربنا عوضنى بيه خير الحمد لله أنا حقيقى بشكر ربنا على النعمة اللى رزقنى بيها وبرجوه إنه يرزق كل البنوتات القمرات بأزواج صالحين يارب هو يعنى هقصر شوية فى حقكم لأنى بدأت أستعد للزواج اللى هيبقى قريب بإذن الله بس هسأل عنكم أكيد ومش هنساكم لأنى هبقى معاكم على طول يارب يكون خبرى بشرة خير للجميع ويبقى قطرة الغيث اللى هيهطل بكل الخير والفرح والسعادة على الجميع بإذن الله .

بــــحــــبــكـــم كـــلــــكــــم

متنسوش ترجعوا تانى هستناكم

Template by:

Free Blog Templates